з-за малесенькай мушкі
разьлятаюцца напалохана
быццам зграя птушак.
бязгучна! -
як лімонніцы выпырхваюць
з роту.
б’юць рэхам
як звонам
па чэрапа сьценах.
ліпнуць да вуснаў целам,
лезуць пад язык,
хаваюцца за зубамі.
ім сорамна,
бо точаць травінкі саблі
на ніх.
скардзяцца ім -
кепска чуюць свой сьпеў
галава
© Copyright: Зося Каплан, 2025
Свидетельство о публикации №125070803910
Свидетельство о публикации №125070803910
Рецензии