Зьзяе на небе поўня,
Быццам каханьня варта.
Стала маёй ты сёньня,
Будзеш маёю заўтра.
Разам сальюцца целы --
Потам пральецца існасьць.
Нас паядналі сьцены --
Шчасьце на іх павісла.
Сэрца тваё трапеча --
Думка мая ўзьлятае.
Вечар, прыгожы вечар
Доляю нашай стане.
Хай нас Гасподзь прабачыць
За той настрой уночы.
Жыць не хачу іначай --
Шчасьце -- з каханай крочыць.
Бачыць яе шчасьлівай,
Бачыць яе прыгожай.
Божа, дай веры, сілы:
Дапамажы нам, Божа!
Вользе 5
© Copyright: Валерий Познякевич, 2025
Свидетельство о публикации №125070607429
Свидетельство о публикации №125070607429
Рецензии
