Боадо т1ата1а ха мустафа ганижев

           БОАДО Т1АТА1А ХА               Мустафа Ганижев

Сона дайра г1а, деррига г1а доацаш               
Седкъи а, сирда малх а цхьана д1адовш.
Лийлар со, икха, ца1 дагалацам боацаш,
Чаккхе йоацача мукъа метте д1авовш.
Сердал з1анараш йоаца, шийла лаьтта,
Лелаш ца1 ца гуш феца бутт д1абайна.
1уйрен ха йоалаш, д1айодаш хул атта,
Х1аьта цхьа ди-м да1хьацар хано тайна.
Сийлахь бала бена нах кхерамца бар,
Йий янаяр цанна амалаш, хьиспаш,
Цхьанна шоашта дийза ламазашта тар,
Увзалуш соц, сердала шойла та1аш.
Ц1ера хьалхдахар адам – паччахьала,
Г1алаш хул аьлий баха, кхолен метта.
Фусамаш, ц1енош хиннача боахама –
Ц1ерашта луш йоагаеш г1алаш х1аьта.
Нах а гулалуш тоабах, 1улаш хулаш
Гонахьа доагача ц1еношта цхьан хила
Ц1къа мукъа шоайла, юхь духьал б1архьожаш,
Ираз дайна бар нах мехка мукъбовла.
Лотаяь гермеш йоагача ц1ияьнна,
Деррига адамаш догдила дахаш дар.
Лотаяь хьунаш, генаш яьгаяьнна,
Гаьнаш легаш, цига б1арчча туржа1 дар.
Ц1аьхха кхераме г1арч оалаш гаьнаш лег,
Наьха йовх1амаш сахьовзаш меттарювл.
...                02. 07. 2025 ш.