***
То дажджы і холад,
То спякотны дзень.
Добра, што не голад
І ад бэзу – цень.
Добра, што не стрэлы,
Трымеры трашчаць.
Сосен каравелы
На гары тырчаць.
Колас яшчэ гнуткі,
Бульба – хоць капай!
І надыдзе хутка
Бітва за ўраджай.
Нарастуць у лесе
Зноў баравікі,
І туман палезе
Ноччу ад ракі.
Памідорам – гора.
Не, мы не з такіх!
Гэтай фітафторы
Мы дадзім пад дых!
Добра, каб не горай
І ад бэзу – цень.
І праходзіць скора
Мой ліпнёвы дзень.
04. 07. 2025 г.
То дажджы i холад...
© Copyright: Юрий Боровицкий, 2025
Свидетельство о публикации №125070403097
Свидетельство о публикации №125070403097
Рецензии