***
Незалежна ад мовы, традыцый, культуры
На зямлі беларускай мы неяк жывём,
І на мове яшчэ стосы макулатуры
Мы друкуем, як быццам не скора памром.
Мы памерлі даўно. Трыццаць год прамінула,
Як ад мовы бацькоў адракліся навек.
Але мова не ўмерла, застыла, заснула.
Памірае не мова, а крыўда і здзек.
Памірае культура, традыцыі гінуць.
Незалежна ад іх беларусам не жыць.
А калі яшчэ й мову навекі адрынуць,
Дык тады й беларусамі болей не быць.
Незалежна ад мовы ў краіне манкуртаў
Незалежнасць нібыта святкуем сваю
І смакуем з мангалаў, што вынесуць з юртаў,
Мы не скваркі з блінамі, а проста свінню.
03. 07. 2025 г.
Незалежна ад мовы, традыцый, культуры...
© Copyright: Юрий Боровицкий, 2025
Свидетельство о публикации №125070302734
Свидетельство о публикации №125070302734
Рецензии