на языке джуури
Бьёйт э ки ме одоми,
Шор сохим э шолуми!
Эз деде бири вече,
Хьэл-хьэлим бу момуче,
Томоше сохд - гьер чуь гьисд,
Эз рачи ю муьрд-поисд.
Чуь гIэили - возиче!
Хьэйруьче бала хьэйруьче!
Мозоллу, ме пьён бирем,
Чуь жоборд дьеш не дирем.
И гIэил - пегьливони -
Жун-жигер, суьрхий мени!
Виниле, келечуьмгьо,
Ихьдиборлуь пойлегьо.
Хэлефлейме, буьлбуьлче!
Хьэйруьче бала хьэйруьче!
ГIэрчуьш гуит - "чуь бэхди,
Зе гIэил игеш зенди" -
Поит, миданит ишму,
Чуь эз и гIэил мибу-
Агуьлменд ве хундогор,
Сохит ге эз ме бовор.
Муьруьм эй туь гъурбуче!
Хьэйруьче бала хьэйруьче!
Хьэйруьче
© Copyright: Геннадий Рахмилов, 2025
Свидетельство о публикации №125063006939
Свидетельство о публикации №125063006939
Рецензии