За къушариз твар гузава,
Каспий гьуьлуьн кьерел алай.
Лепеяр къвез рахазва зав ,
Мурад-метлеб мецел алай !
За къушариз твар гузава,
Зи к1аниди шад хьуй лугьуз.
Къуй дуьньядал гьич са касни,
Перишандиз тахьуй ялгъуз!
За къушариз твар гузава,
Дуьнья ислягь хьурай лугьуз.
Чи виридан пак руьгьерал,
Женнетдин нур къурай лугьуз !
За къушариз твар гузава,
Вири халкьар сад хьуй лугьуз.
Къум хьиз кузвай гьар са рик1е,
Цуьк акъудай гад хьуй лугьуз !
Секина. каспий гьуьлуьн къерехда
© Copyright: Магомед Мирзоев Мирзой, 2025
Свидетельство о публикации №125062907319
Свидетельство о публикации №125062907319
Рецензии