Гэта слова не коле мне вуха,
Бо яно мне знаёма з дзяцінства.
Какалуха цвіце, какалуха --
На суквеццях ёсць фарбаў адзінства.
Какалуха* -- духмяная пані,
Што нас разам трымае на лаўцы.
Тут спатканні і часу пытанні
Абдымалі каханых у танцы.
І калі падкрадалася скруха --
Пасля доўгай, зімовае сцюжы
Расцвітала жыцця какалуха.
Яе пах быў падобны да ружы.
Я і сёння прыгадваю вочы
Той дзяўчыны, што песціла вуха.
Яе твар стаў прыгожы, жаночы --
Яна лёсу майго какалуха.
*Какалуха -- назва чаромхі ў Кармянскім раёне Гомельскай вобласці.
Какалуха
© Copyright: Валерий Познякевич, 2025
Свидетельство о публикации №125062706835
Свидетельство о публикации №125062706835
Рецензии
