ПАБУДЗЬ СА МНОЙ…
леанід ПРАНЧАК
Цудоўны баль, але не мой.
Мне тут нявесела і нудна.
Хоць пяць мінут пабудзь са мной
У цішыні, дзе сэрца чутна.
Чаканне – горшае з пакут.
Віруе-кружыць лёс мой скрутна.
Пабудзь са мной хоць пяць мінут
У цішыні, дзе сэрца чутна.
Мая самота, як прысуд.
Маўчыць тваёй любові лютня.
Пабудзь са мной хоць пяць мінут
У цішыні, дзе сэрца чутна.
Зіма змяняецца вясной.
Бягу адтуль, дзе тлум і людна,
Каб пяць мінут пабыць з табой
У цішыні, дзе сэрца чутна.
27.05.2021
Пабудзь са мной
© Copyright: Леонид Пранчак, 2025
Свидетельство о публикации №125062701743
Свидетельство о публикации №125062701743
Рецензии
