КIватI хьанвай жузунри гузвайни тIалар,
Лагь, вуна са гафни кхьенач вучиз?
Какахьна чун патал уьмуьрдин гъалар...
Симерай физ женни пайгар гумачиз?
ИчIивал ацIурай,акъвазмир кисна-
Гьаким хьуьхь хирери кьеж гузвай рикIиз!
Ихтилат кьуьтягьмир зи гъамар гьисна,
Экуьн лаз гайила Шагьризада хьиз.
Гъил къачу, атIана мад за ви ахвар,
Сабур кьенватIани кьечIена чун чаз...
Сафара амукьна йисарин чIахар,
Гила женг тухун за дингарихъ галаз.
Лугьудач ,вердиш хьухь вун чаравилел,
Гьина хьайитIани патав жеда зун!
Лугьумир, чидач заз, вуч къведа кьилел,
Фикирда аваз хьуй, руьгьдиз къведа зун!
Къведа зун
© Copyright: Билал Адилов, 2025
Свидетельство о публикации №125061807783
Свидетельство о публикации №125061807783
Рецензии