Махках даккхар

1уьйре кхечара т1е , ирча.
Даьтташ хезара цхьа герз.
Ху хилла те окху дуьненна,
Мича дирзина те х1ара дерз.

Сецира машен тхан кевнехь.
Туьйхира ницкъ мел бу ков.
Хьадилча цу кевна дехьахь,
Лаьтта салти , йолуш топ.

Сиха-сиха ара вала
Элира Дадига оцо.
Кхузара аьлча , гучар вала.
Дадин когахь йелира топ.

Цо пхьарса лецна кхоьссира,
Тхан майра Дада машен чу.
Тхо и йуха ваккха хьоьвсира.
Нохчий , махках бохуш бу.

Доьлху бераш , Наной лоьхуш,
Боьлху зудри 1ана бахна.
Массо бу а Деле доьхуш.
Зен ду деанарг вайна тахна.

Гулдина д1адуьгуш ду,
Стенга дуьгу ца хууш.
Ц1ерпошта чу , тхо хийшош ду,
Мел хиларх тхо ца лууш.

Шелонна леш бара хийла,
Цхьа-а бехка боцу нах.
Дегнаш доьхна , г1ийла.
Дуьне деллера царна къахь.

Т1аккха ц1ерпошт сецира,
Тхуна ца бевзачу махкахь.
Сун хиир , ах къам дегира
Б1ожул чу доьхкина ц1ахь

Салти суна вела къежира
Ц1еххьана вуьйжи Дада лаьтта
Дади б1аьргаш д1ач1аг1делира
И лан дацар суна атта.

«Дада , дада» — мохь белира,
Соьл жимах волчу вешийн.
Дада къиза д1акхелхира.
Аллах1ас ч1ог1а и зийн.

Оцу меттехь со кхийтира,
Х1ара дуьне харца ду.
Ас и де , даг чохь къийлира.
Оьг1аз ч1ог1а вахана ву.