***
Крыштальны дзень. Аўторак пасля Тройцы.
Халодны вецер гушкае сады.
Тры грэцкія арэхі, як малойцы,
Зноў выпускаюць лісцік малады.
Пашкодзілі іх прымаразкі траўня,
Дажджом халодным чэрвень напаіў.
Плыве зноў хмара чорная з Заслаўя,
Іх ад яе мой лес загарадзіў.
Крыштальны дзень: без сонца, але светлы
І гэтакі ж халодны, як крышталь.
А то раз-пораз дожджыку манеты
Зазіхацяць, як якасная сталь.
Крыштальны дзень: сталёвы і суровы.
Халодны вецер гушкае сады.
І заміраюць словы роднай мовы,
Трапеча толькі лісцік малады.
10. 06. 2025 г.
Крыштальны дзень. Ауторак пасля Тройцы...
© Copyright: Юрий Боровицкий, 2025
Свидетельство о публикации №125061005029
Свидетельство о публикации №125061005029
Рецензии