Беларускі матыў -- гэта поле і лён,
Крыж сьвятой Афрасіньні ад Лазара Богшы.
А яшчэ -- гэта людзі і працы іх плён:
Пошук новых шляхоў і гісторыі пошук.
Беларускі матыў -- гэта вера ў свой род,
Гэта памяць зямлі, што люляла калыску.
Покуль памяць жыве -- жыцьме з ёю народ,
Што ў Бярэсьці жыве і жыве ў Ваўкавыску.
Беларускі матыў -- гэта думы людзей:
Іх усьмешка, гасьціннасьць, прыродная шчырасьць.
Тут з вітаньня народ пачынае свой дзень,
І з вітаньня свой дзень пачынае Айчына.
Беларускі матыў -- гэта покліч зямлі,
Без якога паэт не напіша і слова.
Ад яе мы пачуцці і мову ўзялі,
Бо яна нашых песень і думаў аснова.
09.06.2025
Беларускi матыу
© Copyright: Валерий Познякевич, 2025
Свидетельство о публикации №125060908109
Свидетельство о публикации №125060908109
Рецензии
