Ви хатур хаз заз гьамиша кичlе я,
Вун абад хьуй лугьузва за датlана!
Зи фикирар за лугьун ваз вине я!
Бахт,берекат,ислягьвал хьуй ацlана!
Я гъурбатдин гуьзелвал зи вилериз,
Аквадач вун рикlе аваз хайи чил!
Чешне я вун маса яргъал уьлквейриз,
Зи играми,багъри гуьзел лезги чил!
Рухваярни,рушарни вахъ авазва,
Гьамиша вал ийиз жеда лап дамах!
Ви сергьятар хуьз датlана аквазва!
Йифиз-юкъуз викlегьдиз ийиз кlвалах!
Лезги чилел мелни-межлис бул хьурай,
Шарвилияр,хьтин хвайрив тур хьурай!
Гьар лезгидин фагьум-фикир я дерин!
Чи гьар халкьди лугьурай квез аферин!
Лезги чил
© Copyright: Марьям Алискерова, 2025
Свидетельство о публикации №125060904372
Свидетельство о публикации №125060904372
Рецензии