Беларусы йдуць сьцежкай вольнаю,
Уздымаюць сьцяг сваёй еднасьці.
Адстаяць правы яны здольныя:
У дастатку жыць, а не ў беднасьці.
Абагрэй, вясна, іх спадзевамі,
Дай глыток жыцьця сэрцу кожнаму,
Каб зіхцелі дні часу дзеямі
Па закону звыш: слову Божаму.
Абудзі, вясна, іх малітваю,
Разбудзі ад сну Храмаў гукамі.
Мы жывыя ўсе -- не забітыя.
Наш абраз сьвяты ў сэрцы грукае.
Беларусы йдуць з Еўфрасіньняю.
Яны крыж нясуць, што быў страчаны...
Над сьцягамі іх -- неба сіняе:
Неба вольнае роднай спадчыны.
Беларусы йдуць
© Copyright: Валерий Познякевич, 2025
Свидетельство о публикации №125060408223
Свидетельство о публикации №125060408223
Рецензии