Фана дуьнья, так1анвилер гар хьурай,
Гьар к1анидаз рик1из к1ани яр хьурай.
Гъурбатдиз хьиз акъатайда, чан гана,
Ширин уьмуьр вучиз ик1 дак1ан хьана?
Муьгьуьбатдин пай такурди фагъир я,
Ашкъидин ц1у кайиди вуч тахсир я?
Гьаясузвал рик1евайди къе шад яз
Инсанвилин сифетдикай азад я.
Намусдин ери агъур я, пар ийиз
Хиве жеда, шадлу рекьер дар ийиз.
Гьайиф, вилер чи тахсир яз, рик1 куда.
Хуш хьуналди, мураддиз на гьик1 гуда?
Гатун сувал цуьквер кьула лезет гваз,
Гьар жуьредин атирарин девлет гваз,
Кьил хкажна бубуди мад нур гуда,
Вичизни фад вирибуру сир гуда.
Гьар са фикир дамахдивди кьат1уда,
Яваш-яваш такабурдив ац1уда.
Ви такабур агъур яни инсандиз?
Такабурдив ац1анавай, заландиз.
33- Такабурдив ац1уда. Беневша
© Copyright: Магомед Мирзоев Мирзой, 2025
Свидетельство о публикации №125060407400
Свидетельство о публикации №125060407400
Рецензии