Жирафни шут1

               
                ***

Са сеферда, нисинин вахт хьайила,
Акъатнай зун са майдандал тамавай.
Гьар жуьредин к1ват1 хьанавай гьайванар,
Жирафни кваз, ц1ару ягълух кьамавай.

Гаф къачуна жираф кьулал экъеч1на,
Хзан сагъ хьайиди тир са къавах хьиз:
Дагъларилай килигайдаз аквадай
Ц1ару ягълух, рап1-рап1завай пайдах хьиз.

Ахъайна сив, гаф лугьуник кумазди,
Аватай мез шаталдилай яргъи тир.
Килигайла, лугьур кьадар пис тушир,
Гирнагъдай са калин хьтин терхи тир.

Кьил къекъуьриз рахадайла, гьайиф хьи,
Галтаддай мез шатал хьиз гьар патахъди.
Кьакьанвиляй, мефт1 хьайила цавара,
Гьик1 агакьрай акьул идан къабахдив? 

Амма садни кьунвач гьеле гъавурда,
Гьик1а цуьзран чир авурай гуьгьуьлар.
И гьайванди, зулар алай хамунал,
Вуж  к1ант1ани ийида  фад хъуьтуьлар.

Мез я жеди, т1ебиатдин гьаларкай
Чир авуна,  хабарзавайд жирафдиз?
Тахьайт1а ам гьар са ламраз к1анивал
Къекъведачир, гафар лугьуз хилафдин.

Кьакьанвиляй ам керчек хьиз аквада.
Гьайиф къвезва заз са бязи бендеяр:
Вичин алчах, негьякьанвал гьакь ийиз
Акъудзавай гьар жуьредин пердеяр.