***
Пад зялёнаю гарою
Бульбачка ўзыходзіць.
Вецер с лісцем на асіне
Танчыць, карагодзіць.
Косіць Лена ў агародзе
Пустазелле трымерам.
Чэрвень дожджык на дзянёчак
Сонечны ўсё ж выменяў.
Ды не вераць бабы лету:
Цёпла апранутыя
Нахіліліся і полюць,
Працаю сагнутыя.
Праз акно гляджу на гэта,
Ў агарод збіраюся.
Эх, жыццё-быццё паэта!
Для каго стараюся?
01. 06. 2025 г.
Пад зялёнаю гарою...
© Copyright: Юрий Боровицкий, 2025
Свидетельство о публикации №125060103297
Свидетельство о публикации №125060103297
Рецензии