Паэзія -- гэта скала,
Што нішчыць жывых паэтаў.
Купала на ёй сканаў
І Сыс не дажыў да лета.
Паэзія -- гэта турма --
Тут сцены прапахлі потам.
Хтось скажа -- ты жыў дарма.
Не праўда! -- Я жыў з народам.
Паэзія -- мовы зварот.
Вяртанне яе ў мой горад.
Вяртанне яе ў народ,
Што зведаў вайну і гора.
Паэзія -- вечнасьці мост,
Што здольны з'яднаць народы.
Хто думкаю з рыфмай рос --
Крануўся зямной Свабоды.
Паэзія -- шлях да святла,
Да словаў пяшчотных, шчырых.
Хто з кветак збіраў няктар --
Той ведае смак Айчыны.
04.05.2023.
Паэт i паэзiя
© Copyright: Валерий Познякевич, 2025
Свидетельство о публикации №125052502495
Свидетельство о публикации №125052502495
Рецензии