З чым параўнаць мне людзей?
Людзі -- яны, як ноты,
Будзяць свой новы дзень,
Робяць да рэчаў дотык.
З чым параўнаць мне людзей?
Людзі -- нібыта соты.
Вуліца іх вядзе
Раніцай да работы.
З чым параўнаць мне людзей?
Людзі -- бы ў вуллі пчолы.
З імі жыццё гудзе
Быццам кангрэс вучоных.
З кім параўнаць мне людзей?
Людзі -- ёсьць птушкі Бога.
Крылы -- іх шлях, спадзеў.
Вера -- у Рай дарога.
З кім параўнаць мне людзей,
Тых, што звярамі сталі?
Д'ябал на іх надзеў
Метку з іржавай сталі.
З кім параўнаць мне людзей
Шчырых, сумленных, дужых?
З імі -- хоць па вадзе,
Хоць па зімовай сцюжы.
10.11.2023.
Параунанне
© Copyright: Валерий Познякевич, 2025
Свидетельство о публикации №125052502286
Свидетельство о публикации №125052502286
Рецензии
