Харап1айрал вил алаз дегь замандин,
Ацукьнава чун са чк1ай айвандик.
Гьар куьчедин, гьар са к1валин шикилдиз
Килигайла, хиял къвезва фикирдиз:
К1ват1 хьана халкь каш-мякь ийиз кимеллай,
Тек са хабар вирибурун сивеллай.
Гьа и ч1авуз зуьрнедин шад макьамдин
Сес акъатна, кьулухъ галаз далдамдин.
Ялиз-ялиз кимел са кас акъатна,
Хвешивиляй, гаф рик1елай алатна:
- Дяведавай чи хуьруьнбур хквезва,-
Лугьуз, вични сив каватна хъуьрезвай.
- Ша чунни фин,- лугьуз, сад виниз хьана,
Къарагъна хьиз вирибур рекьиз фена.
Са йис- имай я т1имил, я пара туш,
Кьегьаларни хтай, уьзуькъара туш.
Эхир хьана дяведин, эвер гайи,
Терг авуна душманар бетер хьайи.
Циф къугъурна кимел зирек аялри,
Шаламрикай руг хкудна кьегьалри.
Далдамчидин к1арар, к1вачер сад хьана,
Далдамчи элкъвезвай кимел кард хьана.
5- Хуьруьнбур дяведай хтана. П1ир
© Copyright: Магомед Мирзоев Мирзой, 2025
Свидетельство о публикации №125052406254
Свидетельство о публикации №125052406254
Рецензии