На сэрцы -- смутак, радасць і трывога.
Мільгаюць за вакном пейзажы краю.
Вяртае да Радзімы нас дарога,
Нібыта вернікаў зямлі ў абдымкі раю.
У расставанні вельмі многа плачу --
Вярэдзіць памяць думкі і ўспаміны.
Мяне нядаўна сустракала Нача,
А сёння -- Пінск, прыветлівы, пытлівы.
Старыя вулкі, позірк роднай Піны
Ірвуць мне сэрца і душу на часткі.
Тут не пачуеш ад прахожых кпіны,
Бо горад Пінск зрывае з твараў маскі.
Ён ветліва вітае ўсіх знаёмых
І абнімае іх Радзімы ветрам.
У горадзе старым -- старыя клёны
Ўдыхаюць часу вольнае паветра.
22.11.2023
Вяртанне да Радзiмы
© Copyright: Валерий Познякевич, 2025
Свидетельство о публикации №125052401249
Свидетельство о публикации №125052401249
Рецензии