Захмялеў каля хаты вечар,
Сонца выспела на гары.
Дзень зімовы ўздыхнуў аб нечым,
Ды пакрочыў у хлеў стары.
Лёг спачыць на духмяным сене,
Каб прысніць аб завеях сны.
Снег над вёскаю хмара сее,
Засцілае дыван скразны.
Ты глядзіш на заход барвовы,
Праціраеш на шыбе лёд.
Я ў бярэмак складаю дровы,
На сняжынак гляджу палёт.
Гэты вечар пралёг між намі,
Каб на ранку і я і ты
След зімовы ў вясну праклалі,
Не забылі зямлі матыў.
25.11.2022.
Зiмовы вечар
© Copyright: Валерий Познякевич, 2025
Свидетельство о публикации №125052401224
Свидетельство о публикации №125052401224
Рецензии