Тры складаючыя лёсу --
Вера,
Воля
І Радзіма.
Шлях, дзе след на камні босы
Маці, што з дзіцём хадзіла.
Тых слядоў на Беларусі
Сустракаў я вельмі многа.
На каменнях ногі грузлі
Маці той, што несла Бога
І, малілася так шчыра,
Што змаўкаў ручай вясновы.
Маці Боская з Айчынай
Прыдумлялі людзям словы,
Каб жылі мы ўсе шчасліва,
Каб была прыгожай хата,
І каб Бог надаў нам сілаў
Жыць сумленна і багата.
Воля - воля, -- шлях твой доўгі.
Да цябе дайсці не проста.
Не адзін параніў ногі
На каменнях, ды погостах.
Хто дайшоў -- таму з Радзімай
Заставацца, жыць і марыць.
Размаўляць на мове дзіўнай,
Што сумленнем уладарыць.
13.03.2020.
Тры складаючыя лёсу
© Copyright: Валерий Познякевич, 2025
Свидетельство о публикации №125052306181
Свидетельство о публикации №125052306181
Рецензии