Букет валошак для цябе
Я назбіраю каля гаю.
Няхай парадуюць цяпер
Яны твой позірк, дарагая.
Валошкі ў жыце -- гук нябёс.
Валошкі ў вазе -- асалода.
Сустрэча з імі -- гэта лёс.
Ён дорыць роднай нівы водар.
Нясу нябёсаў сіні сон
Па сцежцы дзён сваіх прыгожых.
І чую тых валошак звон,
Што тваё сэрца патрывожыў.
Трымай, каханая, трымай,
Маіх пачуццяў сэнс шырокі.
Няхай майго кахання май
Плыве з валошкамі ў аблокі.
20.06.2024.
Валошкi
© Copyright: Валерий Познякевич, 2025
Свидетельство о публикации №125052306031
Свидетельство о публикации №125052306031
Рецензии