Па Гарыні, па рацэ
Мы плывём на чоўне.
Ты трымаеш у руцэ
Гляк чарніцаў поўны.
У тваіх вачах -- агонь,
А ў маіх -- каханне.
Працягні сваю далонь --
Буду грэць да рання.
Прыпеў.
Люба, Любачка, Любоў --
Ты мая навекі.
Не расстануся з табой,
Бо каханне -- лекі.
Вочы чорныя твае,
Як чарніцы ў лесе.
Мне кахання ня стае,
Што мы з лесу неслі.
У цябе -- чарніцаў пах.
Ты сама -- чарніца.
Б'ецца сэрца, нібы птах,
Люба-чараўніца.
Прыпеў.
Люба, Любачка, Любоў --
Ты мая навекі.
Не расстануся з табой,
Бо каханне -- лекі.
21.06.2024.
Люба, Любачка, Любоу
© Copyright: Валерий Познякевич, 2025
Свидетельство о публикации №125052306002
Свидетельство о публикации №125052306002
Рецензии