4- Шириндаказ сес атана азандин. П1ир
Къужахдамай гьеле дагълар ахварин.
Шириндаказ сес атана азандин
Миск1идилай, гьарайзавай имамдин.
Яваш-яваш гъетер, аршдин кук1вавай,
Чуьнуьх жезвай, са варз цавун юкьвавай.
К1ап1ал-к1ап1ал акъатай гум къаварай,
Шагьвардаллаз физвай экуьн цаварай.
Кьвези къужа, кавал галай, четиндиз
Нефес къачуз, кимел физвай секиндиз.
Гьинвачт1ани т1ач акунва бедендиз,
Ухшар хьанвай чин элкъвей са ц1екендиз.
Жегьил чубан къирмаждивди ванериз,
Яваш-яваш къвезва, к1евиз эвериз.
Гьайванарни ван ацалтна, юргъ хьана
Физва вилик, чубандиз муьт1уьгъ хьана.
Свидетельство о публикации №125052106802