Раскажу Вам па сакрэту…
Я адкрыла «дом саветаў»
I суседцы, той, што справа
Фарбу выбрала для лавы.
Мая "правая" суседка
(З ёй тусiлi мы нярэдка)
Пад маiм паглядам смелым,
Як карцiну, лавы цела
Малявала й фарбавала.
Фарбавала й малявала
Нават арыi спявала!
А цяпер чамусь прапала…
I з усiх радараў знiкла…
Муж сказаў: "Яна ж ўлiпла.
Нiбы муха Цакатуха".
I яшчэ шапнуў на вуха,
усьмiхнуўшыся чагосьцi:
"Не адна, а з важным госьцем!"
"Фарба-клей" i Вам знаёма?
I ў кватэры , i ля дома
Сапсуе не толькi рэчы-
Радасць сонечнай сустрэчы!
Сохне лаўка сёмы дзень.
Над сяброўствам нашым цень.
Што рабiць? Параду дайце!
Усiх люблю! Не абзывайце!
Я адкрыла дом савета
© Copyright: Ольга Лисицкая, 2025
Свидетельство о публикации №125052103394
Свидетельство о публикации №125052103394
Рецензии
