Чун кьведни са мукал алай къушар хьиз,
Са патахъди килигдай, лап дустар хьиз.
Гила гьар сад ава вичин утагъда,
Кьарай квахьна, муьгьуьбатдин дустагъда.
Садаз вичин къулайвилел рик1 ала,
Хатадайни хабар т1акьаз, гьик1 ава.
Муькуь фагъир, язух текъвер ц1ук хьана,
Вичикайни, туьхуьн тийиз, ц1ук1 хьана.
Хабар кьадай эвел на зи гьалдикай,
Гьайиф ч1угваз хуьдай гьар завалдикай.
Эвелан дерт къе вучиз ваз ужуз я?
Вун себеб яз къе зунни тек, ялгъуз я.
Гьавай гана ваз цавари девлетар,
Рик1елай фад ракъурзавай жигьетар.
Бахтлу кас я гьиссерикай азадди,
Лук1 тахьана ашкъиди кьур мураддин
15- Садаз вичин къулайвилел рик1 ала. Беневша
© Copyright: Магомед Мирзоев Мирзой, 2025
Свидетельство о публикации №125051806627
Свидетельство о публикации №125051806627
Рецензии