Гунагьар гваз зи гуьгъуьна къекъвемир,
Лацу лифрел, чалагъан хьиз, элкъвемир.
Такьатарни чир хьайит1а хъсан я,
Зун суварин азад, михьи жейран я.
Гьиссер себеб зани садра чан ганай,
Ашкъидикай уьмуьрлух гьижран хьана.
Ялавди куз, бедендикай шем хьанай,
Гъейрибурун мураддиз зун дем хьанай.
Вун лукьман туш зи гуьгьуьлар гьисс ийиз,
Алахъ мийир чара касдиз пис ийиз.
Зун алук1из-хт1унзавай перем туш,
Ашкъиди куз вун Эслидин Керем туш.
14- Вун лукьман туш... Беневша
© Copyright: Магомед Мирзоев Мирзой, 2025
Свидетельство о публикации №125051803149
Свидетельство о публикации №125051803149
Рецензии