Я бахтавар, цуьк беневша,
Ви гьалар заз хабар тушир.
Минет я ваз, фикир мийир-
Зи саймазвал кьадар тушир.
Ракъини хьиз ц1урурзавай,
Ви патав заз гел авачир.
Са к1ус фикир гун хьайит1а,
И гьалдихъ эвел авачир.
Гьайбатлу варз дуст хьайила,
Рик1е дердер пара жеда,
Мурадрилай аслу тушиз,
Дердерикай хара жеда.
Нин фикирди кьат1уда кьван,
Вацрахъ агъур т1ал авайди.
Гьар са касдиз гайиди хьиз,
Адаз ишел-хвал авайди.
К1евевайбур к1ан хьайит1а,
Сад муькуьдан гъавурд кьада,
Тахьайт1ани иман гъана,
Чпивди кьур са мурд кьада.
Бахтлу касдиз фагъирдикай,
Аквар гьалда, хабар жедач,
Я бахтлудан фикирдани
К1евевайдан дидар жедач.
16- Я бахтавар. Беневша
© Copyright: Магомед Мирзоев Мирзой, 2025
Свидетельство о публикации №125051707595
Свидетельство о публикации №125051707595
Рецензии