Цуьк акъудай гатфар бере,
Абдул-Керим аваз кьиле,
Пудкъанни ц1уд гектар чиле,
Ахцегьа багъ кутунава !
Элди вугана гъил-гъиле,
Ч1ехи -гъвеч1и гваз пер , ведре,
Хутда туна далдам- зуьрне,
Ахцегьа багъ кутунава !
Чи уьлкведа гьар са пип1е,
Тариф алай чпел еке,
Дадлу ичерин гьар жуьре,
Ахцегьа багъ кутунава !
Гьар са къелем тар хьуй кьакьан ,
Берекетрив ац1уй макан ,
Къуй чи район хьуй авадан,,
Ахцегьа багъ кутунава !
Гьардан гъиле ич хьуй к1ани,
Утагъдикай лугьуз мани,
Аллагь квелай хьурай рази,
Ахцегьа багъ кутунавай !
Секина. Ахцегьа багъ кутунава!
© Copyright: Магомед Мирзоев Мирзой, 2025
Свидетельство о публикации №125051707481
Свидетельство о публикации №125051707481
Рецензии