***
Вецер паўднёвы у лузе квяцістым...
Я. Колас
Вецер паўднёвы у лузе квяцістым
Злой і халоднай вясной.
Сёння не будзе мой верш урачыстым,
Пахне той вецер вайной.
Як ён калыша траву сенажацяў,
Жоўта-блакітны прастор!
Хмары плывуць чорным дымам пракляццяў,
Гаснуць вугольчыкі зор.
Бусел клякоча, трашчыць кулямётам,
Вецер асінай дрыжыць.
Гэтай вясне пад уціскам-прыгнётам
Быццам не хочацца жыць.
І над лугамі разліта жалоба,
Смутак па мірнай вясне.
Сонца халоднае, быццам хвароба,
У летаргіі, у сне...
16. 05. 2025 г.
Вецер пауднёвы у лузе квяцiстым...
© Copyright: Юрий Боровицкий, 2025
Свидетельство о публикации №125051603466
Свидетельство о публикации №125051603466
Рецензии