Паміж намі чорная сцяна:
Кіламетры думак і адносін.
Гнецца мір, але стаіць яна,
За вакном, на шляху, на парозе.
У сцяны -- ні сэрца, ні душы.
Ты стаіш за ёю адзінокі.
Не маўчы! -- Тры словы напішы
Пра жыццё, пра лёс і край далёкі.
Ты жывеш без сонца і цяпла.
У тваіх вачах не стала веры.
Рэчка, што яднала нас, цякла --
Засталася толькі на паперы.
Ад былых пачуццяў -- кволы крык,
Што іммкне праз сон у цемень ночы.
Як шкада, што я не маю крыл,
Каб сказаць усё, што сэрца хоча.
18.01.2025
Сцяна
© Copyright: Валерий Познякевич, 2025
Свидетельство о публикации №125051602889
Свидетельство о публикации №125051602889
Рецензии
