Дарыць каханне вельмі проста --
Патрэбна ў сэрцы шчырасць мець.
Тады твайго кахання востраў
Пачне расці, пачне квітнець.
Дарыць каханне -- мець надзею
І разам з ёю марыць, жыць.
Каханне нашы сэрцы дзеліць --
На іх чужой няма мяжы.
Дарыць каханне -- сэрцу верыць,
Шукаць мелодыю душы.
Яна ключом адчыніць дзверы
Ў пакой, дзе лёс дваіх кружыў.
Дарыць каханне -- разам дыхаць:
Дзяліць і радасць і бяду.
Каханне -- гэта з цемры выхад.
Я да яго цябе вяду.
21.01.2025
***
© Copyright: Валерий Познякевич, 2025
Свидетельство о публикации №125051602837
Свидетельство о публикации №125051602837
Рецензии