Хабар гьинай, лекьерин са маканда
Муг авуна дагълара, тик майдандал
Са хуьр алай , лап са гъвеч1и къала хьиз,
Баларикай хуьз рагари, бала хьиз.
Са вахтунда, гатун ч1имел береда,
Къацу хурар лацу жедай живедай...
Нур алтадиз экуьнин яр, къизил хьиз
Аквадай ва вижевай са шикил хьиз.
Гьавадинни атирарин хушвиляй,
Хур ац1удай, тух жедачир нушвиляй.
Булутдинни лацу к1ват1ал, нехиш хьиз,
Дагъдин кьилихъ галк1ан жедай, бириш хьиз
Гагь манидин сес акъатдай яргъариз,
Яшайишдин четинвилер тикрариз.
Цавун кьулал къаравул тир лекьери
Вилив хуьдай гьар са жигъир, рекьерин.
3 Са хуьр алай. П1ИР
© Copyright: Магомед Мирзоев Мирзой, 2025
Свидетельство о публикации №125051406092
Свидетельство о публикации №125051406092
Рецензии