Эски шалар эвисна хьиз чухурда,
Хуш я рик1из вун мукьувай акурдан.
Саврухвилер т1ебиатдин, сабур гваз
Эхзава на шумуд йисар, абур гваз.
Вацра к1аник дертлудаказ тек я вун,
Чи тандизни чи руьгьдиз герек я вун.
Ядигар хьиз къвазнава вун, чин кьуна,
Минетзава атайда ваз кьин кьуна.
Вафалувал намусдин - вун чешне я
Вун ашкъидин, михьимвилин бине я.
Ви патарив муьгьуьбатди лув ганай,
Пехъибуру, чакъалри хьиз къув ганай.
Чухурдавай синелла вун текдаказ,
Кьуд патарай аквада гуьрчекдаказ.
Инал-анал к1унт1ар алай векьерин-
Муьгьуьбатдин капач вегьей гелерин.
Агакьзава чебни п1ирен патав хьиз,
Гьарда кьулал бубу ала ялав хьиз.
Ивидай чеб акъуч1нава, ал хьана.
П1ирекайни муьгьуьбатдин к1вал хьана.
Са вахтара сесер къведа билбилрин,
Женнетдавай нуьк1вер хьтин жегьилрин.
2 Синелла вун текдаказ. П1ИР
© Copyright: Магомед Мирзоев Мирзой, 2025
Свидетельство о публикации №125051403226
Свидетельство о публикации №125051403226
Рецензии