Шагьварди къвез, атирар гвай суварин,
Кинарзава къацу махпур хурарин.
Мягьтел хьана килигзава дагълариз:
«Ви гьайбатдихъ кьадар авач!» - тикрариз.
Гьар са тепе ви асулдин абур я,
Ви кук1ушар яргъарани машгьур я.
Гьар жуьредин цуькверин ни атир хьиз,
Шагьварди ч1угвазва гуьзел гишир хьиз.
Ч1ижни ава був акьалтна цуьквериз,
Шир т1алабиз, алк1ана лап сирериз.
Есирвиляй экъеч1на чун шегьердин,
Мугьманвилиз хтанва и сеферда.
Пара вахт тир тахкуна, рик1 сал хьана,
Гъвеч1илай чаз дагъларикай к1вал хьанай.
Ацукьайла ялар ягъиз булахдив,
Дагълари чун кьазва вичин къужахдив.
1 - Гьар са тепе ви асулдин абур я. ПIИР
© Copyright: Магомед Мирзоев Мирзой, 2025
Свидетельство о публикации №125051308445
Свидетельство о публикации №125051308445
Рецензии