Зун марвардал алгъуна са тегьерда,
Гьейран хьана, хушвилелди туьмердай.
Юзанач ам, гьейбатдикай дад ийиз,
Авурлайни минет, дад-бидад ийиз.
Тик акъвазна, шумал беден юзариз,
Рангар яна хъуькъверизни п1узарриз...
Гагь фикирди лугьудай, куьз герек я.
Амма рик1ин гьиссерин бенд гуьрчек я.
Са куьн кава хуш гьаларин суьгьбетар?
Са зат1ни туш дуьньядин мал-девлетар.
Билбилдин сес а цуьк себеб, мумкин я,
Галат тежез, йикъавай къуз ширин я.
11-Зун марвардал алгъуна. Беневша
© Copyright: Магомед Мирзоев Мирзой, 2025
Свидетельство о публикации №125051206612
Свидетельство о публикации №125051206612
Рецензии