5- Хийир-дуьа ийиз. Беневша
Хийир-дуьа, аман-минет Худадиз
Ийизва мад, фикирар гъиз къайдадиз.
Тавакъу яз куьмек к1ан я къаламдиз,
Фагьум гана алукьнавай аямдиз.
Изин тагай кардин эхир вай жеда,
Имансузар, усалбурни тай жеда.
Гьакь паталди къачуназ хьуй азабар,
Мумкин я хьи амукьун са савабар.
Элкъвей ч1авуз Аллагьдихъ вун минетиз,
Къвазмир, гьуьрмет инсанривай гуьзетиз.
Гьуьрмет авун михьи рик1ин чара я,
Чир тахьайди хийир уьзуькъара я.
Тахуналди хатур вакай п1ир жедач,
Хъсанвал тавурт1а къадри чир жедач.
К1агьузар хьун лазим авач, гатадай,
Вун себеб яз масад кьада хатадай.
Жуван гьалал чунгур хьтин дуьзмиша,
Гьалалдивди, хатур тахаз багъиша
© Copyright: Магомед Мирзоев Мирзой, 2025
Свидетельство о публикации №125051201511
Свидетельство о публикации №125051201511
Рецензии