Гагь сад къведа, чарадан кар инкариз,
Гагь са масад, гьа са гафар тикрариз.
Вирибурун хабар кьурла гьалдикай,
Хабар кьадач гьич зи рик1ин т1алдикай.
Мал авайдаз зи чандикай хабар туш.
Лук1ни агъа, вуж ят1ани, таяр туш.
Билбилдихъ дерт авайди ни кьат1уда,
Шад манияр лугьуз девран тухудай.
Айиб алач, рик1 кайибур гзаф я,
Регьимлувал зайифвал туш - инсаф я.
Адет хьанва, рик1 кайидал ц1аяри,
Хъуьруьнарда саймаздаказ таяри.
Кемендавай фагъирдин кар четин я,
Гьик1 ят1ани, уьмуьр адаз ширин я.
Кьве гаф патал, гьавай йикъар акъудиз
Акъвазнава, буш хиялар умудиз.
Катайт1ани, элхкъведа мад кьулухъди,
Мад вегьида ялавд кьулаз хурухъди.
К1ур гана хьиз жуван аддиз, абурдиз,
Есир жеда мад ашкъидин, хатурдин.
10-Кемендавай фагъирдин кар четин я. Беневша
© Copyright: Магомед Мирзоев Мирзой, 2025
Свидетельство о публикации №125051107941
Свидетельство о публикации №125051107941
Рецензии