2- Устадвилихъ къамат амач. Беневша

Устадвилихъ къамат амач, ар хьана,
Далу галай пч1идахъни т1вар хьана.

Къалам акур са бенде шаир хьана,
Зазни и кар бегьем гил фикир хьана.

Эмин лугьур шаирни чахъ сад хьанай,
Пара зурба гьамни са устад хьанай.

Гуьрчекдаказ, ашкъидизни яд гана,
Ширин бендер, ширин баяд сад хьана.

Халкьари вич хкажайла камал яз,
Са ламраз ам аквазва хьи усал яз.

Къе чи дере кхьирагриз дар хьана,
Бул хьурай чеб, тахьурай бизар хьана.

Намусдиз пар хьайи ч1авуз т1акьатар,
Таб-гьялледин к1аник жеда ниятар.

Акьуллуди ахмакьвилин тай жедач,
К1елар авур ламракайни тай жедач.

Бул шаиррар авай чка бустан я,
Амма хиял пехилвилин т1ак1ан я.

Сур вахтарин шаирринни бейтериз
Къамат ава, мецел ала эзбериз.

Къизиларин хунчадаллай агъайрин
Сурарал къе муг авунва къаргъайри.

Лавгъавализ, ашукь хьана жув жувал,
Шаирдилай вине кьамир буш хиял.

Гелни гьатдач лавгъачидин, ц1игел яз,
Эминан т1вар мецел жеда, гуьзел яз.

Буш акьулдиз буш лавгъачи хата я,
 Намус квадар тийидайди уста я.