Я лувар це, умуд це на,
Акъатин зун цаварал,
Яни йикь зун, ша, бамишна,-
ЧIагъ ацукьрай къаварал.
Я лувар це, жен бахтавар
И гьиссерин лукI хьана,
Яни йикь зун ийиз авхар,
Са кIус язух татана.
Я лувар це, чIурмир на пел,
Пара акваз хъуьруьн заз.
Яни йикь зун, аватIа хъел,
АкIура фад рикIе цаз.
Я лувар це, ваз яр лугьун
АватIани яргъара,
Яни йикь зун, тамир на зун
Азаб галай йикъара...
Лувар це заз
© Copyright: Билал Адилов, 2025
Свидетельство о публикации №125051104930
Свидетельство о публикации №125051104930
Рецензии