Аламатар Регьимлудан гзаф я,
Са арф кьванни чир хьайит1а инсаф я.
Керчеквални дагъвидин са лишан я,
Фагьум, фикир авайдаз ам дарман я.
Пара рахай гафарикай кар жедач,
Цацар алай алатни пайгар жедач.
Къай гайила п1узаррални гел жеда,
Сейлибурни, чинар ч1уриз, хъел жеда.
Садни вичин кьадардилай алуч1мир,
Вирибрухъай са ч1авузни галуч1мир.
Хъсанни-пис чир хьайиди фагъир я,
Къимет гудайди гьар садаз эхир я.
Бегьер гайи бустандин гьал хъсан я,
Инсандин т1вар, михьивал гвай, кьакьан я.
3-Аламатар Регьимлудан гзаф я
© Copyright: Магомед Мирзоев Мирзой, 2025
Свидетельство о публикации №125051001924
Свидетельство о публикации №125051001924
Рецензии