Гьайиф, уьмуьр акваз-такваз акъатда,
Жегьилвални, вил галамаз къакъатда.
Накьандакай къенин юкъуз хабар я,
Шукур хьайи Аллагьд гайи яшар я.
Гьар вахтуниз ава вичин аламат,
Алахъ жемир буш крарал гьалават.
Хтай ч1авуз рик1ел къачур зегьметар,
Амукьарбур дуьньяда я гьуьрметар.
Даим инсан хьайи туш и чилерал,
На Аллагьдиз к1ани кьадар мез-гъвела.
Эхир дуван амукьдайди са агь я,
Ахмакьдаказ фейи уьмуьр русвагь я.
Бедендизни шад хиялар ширин я,
Гунагь квачир беденни архайин я.
4-Акваз-такваз акъатда
© Copyright: Магомед Мирзоев Мирзой, 2025
Свидетельство о публикации №125051001734
Свидетельство о публикации №125051001734
Рецензии