на языке джуури
Иму э ёр гуьрденим холокост,
Болей Богдановка ве Бабий яр,
ВэгIдей эн ёргири ве ибодот -
Бисд шешимуьн руз мегь васал иёр.
Эз муьрдегьо гьич не мунди гьовре,
Месд не бирембу гIэжели дасдар,
Эй лов-лэхьче ерэгъ душме бире -
Бисд шешимуьн руз, мегь васал иёр.
Эз шешь мильон гъэзоб биренигьо,
Э дуьлму нейрафде дерддорегор,
Кифлет имуни гьемме куьштенигьо,
Бисд шешимуьн руз, мегь васал иёр.
ВэгIдо гьиге, гIилом э параменд,
Гьегене гIэрсигьой деде зар-зар
Гереклуьни хьозуьр бире гъэлхэнд,
Бисд шешимуьн руз, мегь васал иёр.
Иму э ёр гуьрденим холокот,
Белжец ве Треблинка, ве Собибор,
ВэгIдей эн ёргири ве ибодот -
Бисд шешимуьн руз мегь васал иёр.
26-муьн руз мегь васал иёр
© Copyright: Геннадий Рахмилов, 2025
Свидетельство о публикации №125050904175
Свидетельство о публикации №125050904175
Рецензии