Дяве хьана кьудкъад йисар алатна,
Анжах хирер ц1ийи жезва рик1ерин,
Ватан патал гьикьван чанар акъатна,
Уьк1уь накъвар кеми жезвач вилерин.
Гьар са аскер, са дидедин бала я,
Куьрпедаказ къужахда ч1ехи авур,
Залум дяве вуч инсафсуз бала я,
Вахтсуздаказ жегьилар рехи авур.
Чан эцигна чаз азадвал багъишай,
Гьар са касдин руьгьдин экв мад хцуь хьуй,
Къуй гуьгъуьна кеми тахьуй алхишар,
Гьар баладин гележег шад экуь хьуй .
И дуьньядал чаз ганавай са уьмуьр,
Вуч хъсан тир,ислягьдаказ хьанайт1а.
Чилел алай виридаз,чаз чир-течир,
Сад Аллагьди хушбахт уьмуьр ганайт1а .
Секина. Залум дяве
© Copyright: Магомед Мирзоев Мирзой, 2025
Свидетельство о публикации №125050903674
Свидетельство о публикации №125050903674
Рецензии