Атанва зун къе мугьман ваз,Селибур,
Бизар хьана шегьердавай ванцикай.
Лугьумир хьи велед я ви такабур,
Цик цIигел я ,акъатзавай къванцикай.
Дарих я зун секинвилихъ дагъларин,
Кьакьанвилихъ,сур чIаварин кьваларин.
ГъарикI хьанва рикI цуькверин сумагдихъ,
Ван алатна яйлахравай рамагдихъ…
Дагъдин миргер ,яцар мукьвал жедайвал
КIанда заз жен Шагьдин суван лап кукIвал!
Килигдайвал наз гузавай къветериз
Гъуьрчехъанар алцурардай цIегьериз...
Къачуз кIан я тухдалди гьикI заз гьава,
Хайи чилин –хуьруьнвийриз тир багьа
Цуькверикай аманатдин лишан хьиз,
Кьуна кIунчар хутахда за шегьердиз…
Атанва зун, Селибур...
© Copyright: Билал Адилов, 2025
Свидетельство о публикации №125050707585
Свидетельство о публикации №125050707585
Рецензии