Победе-80

А май вясновы бэзам пахне,
І белым квеценем садоў!
І  сэрца прыгажосці прагне
Пад спевы  звонкіх салаўёў!

Якое шчодрае раздолле:
Лясы, рачулкі, мурагі..
Найлепшага няма прыволля,
Чым родны край наш дараг!

Галінкі ветрык развявае,
Вядуць бярозкі карагод..
Шчаслівы май.., ды ён вяртае
У ваенны сорак першы год!

І памяць не дае спакою,
Вядзе туды, дзе смерць і жах!
Дзе нараджаліся Героі,
Зямля тапілася  ў слязах!

Наш край блакітны, прамяністы,
Дзе векавечныя дубы.
Варожы, брудны бот фашысцкі
Таптаў па зверску, без жальбы!
Ператвараючы ў руіны,
Знішчаў, калечыў забіваў
Народ наш добры і гасцінны,
У той вайне насмерць стаяў!

Руіны, спаленыя вёскі-
Ахвяры жудаснай вайны,
Дасюль жахлівым  адгалоскам
І дзень, і ноч гучаць званы!

А зараз майскі дзень вясновы
Адзначыць восемдзесят год,
Як промень сонечны барвовы
На ранні будзіць наш народ!
І мітусліва, і няспынна,
Жыццё прадоўжыць звонкі дзень!
Ды толькі Памяць не пакіне,
Вайны смяротнай чорны цень!

Вайна- трагедыя спрадвеку,
Павінны помніць усе заўжды!
Каб больш ніколі чалавеку
Не зведаць гора і бяды!

Каб дзеці спалі без трывогі,
Сады квітнелі з году  год!
Каб дзень вясновы Перамогі
У міры адзначаў народ!