А Гэлька з н тачак клубком

Лютаўскі дзень дагарыць у цішыні,
 Вёска нясмела запаліць агні.
Сэрца бязмерна агорне туга-
Ныркі баляць,галава ды й нага.
          Хоць ногі не ідуць і вочы не глядзяць,
          Хадзем да Гэлькі таньчыць і спяваць!
          Ты з лясачкай, а я з кійком.
          І толькі Гэлька з мужыком.
Дзень красавіцкі прыспешвае час.
У полі згарбелых сустрэнеце нас
Моркву пасеем, радысу, гарох.
Ды й не пачуем увечары ног.

Ліпеньскі дзень.Дружна пчолкі гудуць.
І агурочкі , і ружы цвітуць.
Зёлачкі сушым пад нашай страхой-
Самі сабе падымаем настрой…

Дзень лістападаўскі стой, не бяжы
Клін жураўліны яшчэ пакружы.
Восеньскім дням яшчэ днець, халадзець,
Толькі ля печы душы не сагрэць.

          Хоць ногі не ідуць і вочы не глядзяць,
          Хадзем да Гэлькі таньчыць і спяваць!
          Ты з лясачкай, а я з кійком.
          І толькі Гэлька …
                А Гэлька з нітачак клубком…